विराटनगर । साहित्यकार तथा पत्रकार विमला तुम्खेवा अनुप लिङ्देन स्मृति प्रतिष्ठान सम्मानबाट पुरस्कृत हुने भएकी छिन्।
प्रतिष्ठानले आज ‘अनुप लिङ्देन स्मृति प्रतिष्ठान सम्मान तथा पुरस्कार’ को घोषणा गर्दै सो कुरा जनाएको हो।
उनीसँगै राष्ट्रिय प्रजातन्त्र पार्टी (राप्रपा)का नवनिर्वाचित अध्यक्ष राजेन्द्र लिङ्देनलाई सम्मान गरिने प्रतिष्ठानले जनाएको छ ।
पुरस्कृत साहित्यकार तुम्खेवा लामो समयदेखि कविता लेखन तथा पत्रकारितामा सक्रिय रहँदै आएकी छिन्। उनले पछिल्लो समय आख्यान लेखनमा समेत कलम चलाउन थालेकी छिन्।
साहित्यकार तुम्खेवाका कविताहरू, नदी, छाल र तरङहरू, संस्मरण एउटा बूढो रुखको हत्केलामा पृथ्वी लिएर उभिएको मान्छे कविता संग्रह लगायत प्रकाशित छ।
उनको एकल कविता वाचन नेपाल भारत र हङकङ लगायतको देशहरुमा सम्पन्न भैसकेको छ भने तुम्खेवा सञ्चारिका समुहको केन्द्रीय महासचिव रहेकी छ्न् ।
