एजेन्सी । टर्कीका जंगलमा एक सातादेखि भयंकर आगलागी भइरहेको छ । हालसम्म आगलागीमा परी ८ जनाको मृत्यु भएको बताइएको छ ।
अहिलेसम्म टर्कीको पश्चिमी भागको झन्डै तीन हजार हेक्टर जंगल आगोले ध्वस्त बनाएको छ । आगलागीबाट जंगल नजिकका थुप्रै घरहरूमा क्षति भएको बताइएको छ ।
आगलागी नियन्त्रणमा ५१ हेलिकप्टर, २० वटा जहाज र सयौं अग्निनियन्त्रक खटिएको त्यहाँको सरकारी अधिकारीले बताएका छन् । छिमेकी ग्रिसमा पनि अग्निनियन्त्रकहरूलाई जंगलको आगो निभाउन हम्मेहम्मे परिरहेको छ भने दर्जनौं मानिसहरू घाइते भएको बताइएको छ ।
