मायाँ र मायालु यादहरू
यसबेला हामी टाढा टाढा छौंं
तर, मनहरू पलपल नजिकिएका छन्
समय, भोग र जीवन फरक प्रकारको छ ।
तर,
बिप्पत्ति मन र पस् उस्तै उस्तै छ
मलाई थाहा छ,
संकटहरू थपिएका छन्
आषाहरू कमजोर भएका छन्
सपनाहरू तरंगीत भएका छन्
यो पनि सत्य हो
जीवन निरस बनेको छ ।
समय मनभरी साँझ
बोकेर आएको छ
तर,
मलाई बिश्वास छ
सबै सफलताहरू
संकटका प्रतिफल हुन्
सबै संकटहरू
जीवन निर्माणका
पूर्वाधारहरू हुन्
समय सधैलाई
कोल्टो पर्दैन
सधैंसधैं जीवनमा
साँझ मात्र पर्दैन
मानिसमाथि
आकाश झर्दैन
मलाई आशा छ
यो ठूलो बिपत्तिमा
साना साना पीडाहरू
किनार लाग्नेछन्
हामी संयम् र विवेकशिल बनेर
जीवनको लडाई जित्नुछ ।
जीवनको लडाई जितेको मान्छे
बाटोको अन्योलतामा हार्दैन
समयको कालचक्र टेकेको मान्छे
भोगको यात्रामा मर्दैन
प्रिय मनहरू
हामी सबै सबै लडाईहरू जितेर
कुनै साँझको डिनर
र
बिहानी ब्रेक फास्ट
सँगैसँगै गरौंला
पलपल भगवानसँग आरधना ।
हामीमाथि आशीर्वादका हात राख
हामी तिम्रो प्राथाना र भक्तिमा
जीवनका सबै प्रभातहरू
ब्यातित गर्नेछौं ।
