विराटनगर । विराटनगरमा युवाहरु माझ सर्वाधिक रुचाईएका कवि नवराज पराजुलीको एकल कविता कन्सर्ट हुने भएको छ ।
आगामी फागुन ३० गतेबाट विराटनगरस्थित ईष्टर्न स्टार होटलमा कन्सर्ट हुने भएको हो । साहित्य क्षेत्रको विकास प्रवर्द्धनका साथै निर्माणाधिन गौतमबुद्ध अन्तराष्ट्रिय क्रीकेट रङ्गशाला निर्माणमा कन्सर्टबाट सङकलित रकमले आर्थिक सहयोग पुर्याउन कन्सर्टको आयोजना गरिएको हो ।
फागुन ३० दिउँसो ३ बजेदेखि हुने भनिएको कविता कन्सर्टमा ५ सय बढीको उपस्थिति रहने आयोजकले जनाएको छ । कन्सर्टका ३ किसिमको टिकटको व्यवस्था गरिएको छ । विद्यार्थीहरुका लागि बिशेष सहुलियत स्वरुप २ सय ५०, साधारण टिकटका लागि ५ सय र भिआईपी टिकटका लागि भने १ हजार शुल्क तोकिएको छ ।
