गगन थापाको नाममा कांग्रेस कोशीको कैंची
विराटनगर । नेपाली कांग्रेस कोशी प्रदेश कमिटीले आगामी निर्वाचनका लागि जिल्लाबाट सिफारिस भई आएका उम्मेदवारहरूको नाममा कैचि लगाएको छ ।...
राजनीति
जेन्जीहरूले सरकारविरुद्ध प्रदर्शन गर्ने
विराटनगर । जेनजी आन्दोलनलाई संस्थागत गर्दै सरकारविरुद्ध संयुक्त संघर्ष अघि बढाउने निर्णयसहित ३० भन्दा बढी जेन्जी समूहहरूको संयुक्त बैठकले संयुक्त जेन्जी आन्दोलनको घोषणा गरेको छ। २०८२ साल पौष ५ गते ललितपुरको झम्सिखेलमा सम्पन्न उक्त बैठकले हालसम्म छरिएर रहेका जेन्जी समूहहरूलाई एउटै छातामुनि ल्याउँदै संयुक्त आन्दोलनलाई औपचारिक रूप दिएको हो। बैठकमा देशभरबाट आएका १०० भन्दा बढी जेन्जी अभियन्ता, आन्दोलनका क्रममा घाइते भएका युवा तथा शहीद परिवारका सदस्यहरूको उल्लेखनीय उपस्थिति रहेको थियो। बैठकले आन्दोलनलाई थप प्रभावकारी र संगठित बनाउने उद्देश्यले कार्यकारी समिति विस्तार गर्ने निर्णय गर्दै मिरज ढुंगाना, अजय सोडारी,सुनिल सिंह, विजय शाह, सुरेन्द्र घर्तीलाई त्यसको जिम्मेवारी सुम्पिएको छ । यस्तै, आन्दोलनलाई वैचारिक र रणनीतिक दिशानिर्देश दिन सल्लाहकार रवि किरण हमाल र हरिस भट्ट रहनेछन् । बैठकले वर्तमान सरकारले जेन्जी आन्दोलनको मूल भावना, बलिदान र अपेक्षाअनुसार काम गर्न असफल भएको निष्कर्ष निकालेको छ। सहभागी अभियन्ताहरूले सरकार आन्दोलनका उपलब्धिहरूलाई संस्थागत गर्नुभन्दा उल्टै जेन्जी विद्रोहविरुद्ध षड्यन्त्र र दमनको बाटोमा उन्मुख भएको आरोप लगाएका छन्। सोही कारण अब वर्तमान सरकार अपदस्त गर्नुपर्ने, सर्वपक्षीय सहमतिको आधारमा सर्वपक्षीय सरकार गठन गर्नुपर्ने र देशको दीर्घकालीन राजनीतिक संकट समाधानका लागि संविधान पुनर्लेखन अपरिहार्य भएको धारणा बैठकले सार्वजनिक गरेको छ। बैठकको निष्कर्षसँगै संयुक्त जेन्जी आन्दोलन समितिले सरकारविरुद्ध सडक संघर्षलाई अझ सशक्त रूपमा अघि बढाउने निर्णय गरेको छ। सोही निर्णयअनुसार आन्दोलनका आगामी कार्यक्रम र राजनीतिक मागहरू सार्वजनिक गर्न भोलि दिउँसो १ बजे काठमाडौँको डिल्लीबजारस्थित भोजन गृहमा बृहत् पत्रकार सम्मेलन आयोजना गरिने जेनजी अगुवा विजय शाहले बताएका छन्। पत्रकार सम्मेलनमार्फत हाल सडकमा रहेका सबै जेन्जी अभियन्ता, आन्दोलनका घाइते र शहीद परिवारलाई एउटै आन्दोलनमा समेट्दै संयुक्त रूपमा सरकारविरुद्ध प्रदर्शनलाई देशव्यापी बनाउने रणनीति सार्वजनिक गरिने बताइएको छ। संयुक्त जेन्जी आन्दोलन समितिले यो संघर्ष कुनै व्यक्ति वा समूहविरुद्ध नभई, असफल शासन प्रणाली, राजनीतिक स्वार्थ र जनभावनाविपरीत उभिएको राज्यसत्ताविरुद्ध भएको स्पष्ट पारेको छ।
मधेशको सभामुखका लागि दुई जनाको प्रतिस्पर्धा
जनकपुर । मधेश प्रदेश सभामा रिक्त सभामुख पदका लागि दुई जना प्रदेश सभा सदस्यको उम्मेदवारी परेको छ। पुस ६ गते...
राजेन्द्र लिङ्देन झापा–३ बाट पुनः सिफारिस
झापा । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनलाई आगामी प्रतिनिधि सभा निर्वाचनका लागि झापा क्षेत्र नम्बर ३ बाट...
निर्वाचन शान्तिपूर्ण बनाउन सरकार गम्भीर हुनुपर्छ : डा.शेखर
विराटनगर । नेपाली कांग्रेसका वरिष्ठ नेता डा.शेखर कोइरालाले फागुन २१ गते हुने निर्वाचनलाई शान्तिपूर्ण र निष्पक्ष बनाउन सरकार गम्भीर हुनुुपर्ने...
एमाले नेता इश्वर पोखरेल पक्षको छुट्टै भेला, काखापाखा गरिए प्रतिवाद गर्ने निष्कर्ष
विराटनगर । नेकपा एमालेको ११ औं महाधिवेशनमा भएका नयाँ नेतृत्वको निर्वाचन प्रक्रियामा असफल बनेका नेता इश्वर पोखरेल पक्षले छुट्टै भेला...
संविधान मिच्ने र चुनाव सार्ने प्रपञ्च नगर्न सरकारलाई प्रचण्डको चेतावनी
काठमाडौँ । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले फेरि पनि संविधान मिच्ने कोसिस नगर्न र विभिन्न बहानामा निर्वाचन सार्ने प्रपञ्च...
‘हामीलाई आलोचना स्वीकार्य छ, राम्रोलाई राम्रो र नराम्रोलाई नराम्रो भन्नुस्’
काठमाडौँ । नेपाली कम्युनिष्ट पार्टीका सह–संयोजक माधवकुमार नेपालले आफ्नो पार्टी र नेतृत्वप्रति जनताले गर्ने आलोचनालाई आफूहरूले सहज रूपमा स्वीकार गर्ने बताएका...
