गछिया । मोरङको सुन्दरहरैंचा ६ खर्सङ्गेनी चोकमा रहेको सिद्धार्थ युवा क्लब तथा नागरिक समाज वडा कार्य समिति सुन्दरहरैंचा ६ मोरङको आयोजनामा शनिवार रक्तदान कार्यक्रम सम्पन्न भएको छ ।
कार्यक्रममा ६१ जनाले रक्तदान गरेका छन् । जम्मा गरिएको रगत नेपाल रेडक्रस सोसाईटी रक्त संचार सेवा धरानलाई दिइएको छ ।
संयोजक सन्जित राईको अध्यक्षतामा भएको कार्यक्रममा प्रमुखअतिथि सुन्दरहरैंचा ६ का वडाध्यक्ष सन्तोष लिङदेन थिए । कार्यक्रममा नेपाली कांग्रेसका नगर सभापती भक्तिप्रसाद सिटौला, नागरिक समाज सुन्दरहरैंचा संयोजक दधिराम ढुंगाना जजता समाजवादी नगर अध्यक्ष शंकर देवान, राष्ट्रिय प्रजातन्त्र पार्टी क्षेत्रीय सभापति मानवहादुर श्रेष्ठ, काँग्रेस महाधिवेशन प्रतिनिधि भगवान मोक्तान, जिल्ला सदस्य राजु राई, जनमुक्ति पार्टीका सुमन राई, आधारभूत स्वस्थ्य केन्द्र इन्चार्ज राजेश गौतमको उपस्थिति थियो ।
दुर्गा भट्टराईले स्वागत गरेको कार्यक्रम संचालन क्लबका सचिव जनक गौतमले गरेका थिए । मदन राई, सविन लावती, सन्जित राई, शंकर देवान, सुमन सुब्बा, कलकुमार राई, दुर्गा सुब्बा, सिता दाहाल कटुवालले आर्थिक सहयोग गरेका थिए ।
