काठमाडौं । फिल्म ‘म यस्तो गीत गाउँछु २’ले आफ्नो प्रचारप्रसारलाई तीव्र बनाएको छ । रिलिज मिति नजिकिँदै गर्दा नायिका पूजा शर्मा र नायक पल शाहले प्रचारप्रसारलाई तीव्र पारेका हुन् । निर्देशक सुदर्शन थापा र वितरक करण क्रेजी पनि यी दुई कलाकारलाई साथ दिएका छन् ।
२७ दिन लामोे बन्दका कारण शून्य बनेका हलहरु फागुण १ गतेदेखि चलमलाउन थालेका छन् । सुदर्शन, पुजा र पल हलमा पुगेर दर्शकसँग साक्षात्कार गरिरहेको छन् भने हलका कर्मचारी, म्यानेजरसँग पनि भेटघाट गरिरहेका छन् । उनीहरु, काठमाडौंका मुख्य हल क्यूएफएक्स सिभिल, छायाँ सेन्टर, बीग मुभिज, एफक्यूब लगायतका हल पुगेका हुन् ।
यो म्युजिकल र रोमान्टिक जानराको फिल्म आगामी फागुन १३ गते प्रदर्शन तयारीमा छ । अधिकांश कलाकार फिल्म रिलिजपछि मात्र दर्शकसँग प्रत्यक्ष साक्षात्कार गर्न हलमा पुग्ने गर्छन् । तर, यो कलाकारद्धय पल र पुजा भने फिल्म रिलिजकोे करिब २ साता अगाडि नै हल हलमा पुगिरहेका छन् ।
कोरोनाभाइरको तेस्रो लहरपछि ‘म यस्तोे गीत गाउँछु २’ फ्रेस रिलिज हुन लागेको पहिलो फिल्म होे ।
