विराटनगर । दोस्रो वडाअध्यक्ष कप फुटबल प्रतियोगिताको उपाधि विराटनगरको टिडब्लूवाइसी क्बलले जितेको छ ।
विराटनगर–१७ स्थित खेल मैदानमा शनिबार सम्पन्न फाइनलमा आयोजक मिल्स भेट्रान्स क्बललाई ५–० गोलले हराउँदै टिडबलूवाइसी क्बलले उपाधि जितेको हो ।
जितसँगै टिडबलूवाइसिले नगद ३५ हजार रुपैयाँको साथै ट्रफि हात पा¥यो । उपबिजेता बनेको आयोजक मिल्स भेट्रान्सले नगद २५ हजार रुपैयाँमा चित्त बुझायो ।
जितको लागि टिडबलूवाइसिका धिरज केसीले २ गोल, केवल महर्जन, भुवन बस्नेत, राजन राई र किरण लिम्बुले १/१ गोल गरेका थिए । म्यान अफ फाइनल टिडबलूवासिइका दोर्जे तामाङ्ग घोषित भए । प्रतियोगिाको उत्कृष्ट खेलाडी मिल्स भेट्रान्सका रुपेन मगर र हाइस्कोर लागिगुँरास युवा क्लबका बर्तमान राई घोषित भए ।
बिजेता हुने खेलाडीहरुलाई ट्रफी, प्रमाणपत्र र मेडल कार्यक्रमको प्रमुख अतिथि जनता समाजवादी पार्टी मोरङका अध्यक्ष राजकुमार यादव, विराटनगर १७ का वडाअध्यक्ष समिम कमर, मिल्स भेट्रान्सका अध्यक्ष इन्द्रराज थापा मगर, प्रचार प्रसार समितिका संयोजक प्रभाकर थापा मगर, मोरङ जिल्ला फुटबल संघका उपाध्यक्ष उद्धव भुजेल, धनकुमार लामालगायतले वितरण गरेका थिए ।
