इटहरी । सुनसरीको हरिनगर ६ घुस्की बस्ने अकमुल अन्सारी लागुऔषधसहित पक्राउ परेका छन् ।
गत बिहीबार इनरुवा १ गोलपार्क एरियामा विशेष सुराकका आधारमा साईकलमा आईरहेका अन्सारीलाई प्रहरीले नियन्त्रणमा लिएको थियो ।
नियन्त्रणपश्चात उनीमाथि चेकजाँच गर्दा डाईलेक्स डिसी लेखिएको अबैध लागुऔषध ४९ बोत्तल फेला पारेर बरामद गरिएको जिल्ला प्रहरी कार्यालय सुनसरीले जनाएको छ । उनीउपर थप अनुसन्धान तथा कानूनी कारबाही अगाडि बढाईएको कार्यालयले जनाएको छ ।
