विराटनगर । लायन्स क्लब अफ विराटनगर पाथिभराले विश्वशान्ति दिवसको अवसरमा दीप प्रज्वलन गरेको छ ।
कोभिड–१९ बाट विश्वभर ज्यान गुमाउनेहरुको आत्माको चिरशान्तिको कामना गर्दै कोरोना महामारीको चपेटाको चाँडै अन्त्य भई विश्वभरि नै शान्ति र सकारात्मकता फैलियोस् भन्ने कामनाका साथ दिवसका अवसरमा दीप प्रज्वलन गरिएको आयोजकले जनाएको छ ।
विराटनगरस्थित सेन्ट्रल मलमा शान्तिको प्रतीक परेवाको चित्र बनाएर दीप प्रज्वलन गरिएको थियो । क्लबले नेपालीहरुमा सकारात्मक सोच कामनासमेत गरेर विश्वशान्ति दिवसको अवसर पारेर परेवाको चित्र एवं दिप प्रज्वलन कार्यक्रमको आयोजना गरेको क्लबकी अध्यक्ष गंगा खतिवडा (शाह)ले बताउनुभयो ।
क्लबका सबै सदस्यहरुको सक्रिय सहभागिता र सहयोगकै कारण कार्यक्रम भव्य रुपमा सम्पन्न भएको अध्यक्ष शाहले बताउनुभयो । कार्यक्रममा लायन्स क्लब अफ अन्तर्राष्ट्रिय ३२५ ए–वानका मन्टिपल काउन्सिसल चियरमेन राजन खत्रीले विश्वशन्तिको प्रतीकका रुपमा रहेको परेवारको चित्र बनाएर दीप प्रज्वलन गर्ने काम प्रशंसनीय भएको बताउनुभयो ।
कोरोना भाइरसबाट ज्यान गुमाउनेहरुप्रति स्मरण गर्दै समाजमा सकारात्मक सोचको विकास होस् भन्ने कामनाका साथ कार्यक्रम आयोजना गरेको क्लवकी सचिव अञ्जना कट्टेल सुवेदीले जानकारी दिनुभयो । कार्यक्रममा लायन्स क्लब अन्तर्राष्ट्रियका पूर्व डिस्ट्रिक गभर्नर लीला ढुंगेललगायत क्लबका सदस्यसमेतको उपस्थिति रहेको थियो ।
