विराटनगर । लामो समयदेखि बेलायतकी एक महिलाको बिहे चर्चाको विषय बनिरहेको छ । वास्तवमा ती महिलाले कुनै पुरुषसँग होइन रुखसँग बिहे गरेकी छन् ।
तीन वर्षअघि नै उक्त रुखसँग बिहे गरेको बताउने ती युवतीले हालै आफ्ना साथीहरूलाई त्यही रुखमुनि बोलाएर जमघट गराइन् । आफूले रुखसँग खुसीसाथ दाम्पत्य जीवन बिताइरहेको उनको दाबी छ ।
केट कनिंघम नामकी ती युवतीका अनुसार रुख र उनीबीचको दाम्पत्य जीवन सुखपूर्ण रुपमा चलिरहेको छ । आफू आफ्नो जिवनबाट सन्तुष्ट रहेको उनी बताउँछिन् ।
उनले सन् २०१९ मै रिमर्स भ्याली काउन्टी पार्कमा रहेको रुखसँग बिहे गरेकी थिइन् । आफ्नो पतिदेव रुखसँग भेटघाट गर्नका लागि उनी हप्तामा ५ पटक पार्कमा जान्छिन् । क्रिसमसको बेलामा त आफ्नो पतिरुपी रुखलाई विभिन्न सजावटका सामग्रीले सजाउँछिन् ।
अनौठो त के भने रुखसँगको बिहेपछि उनले आफ्नो थरसमेत बदलिसकेकी छिन् र अहिले मिसेस एल्डर बनेकी छिन् ।
हाल शिक्षण पेसा अपनाएकी मिसेस एल्डर यसअघि उक्त पार्कमा बारम्बार आउने क्रममै सो रुखसँग आफ्नो प्रेम बसेको उनी बताउँछिन् ।
-एजेन्सी
