बेलबारी । स्वास्थ्य समाजका लागि खेलकुद भन्ने नाराराका साथ बेलबारीमा अन्तरपालिका स्तरीय पुरुष भलिबल प्रतियोगिता हुने भएको छ ।
आदर्श युवा क्लवको आयोजनामा बेलबारीको लक्ष्मीमार्ग स्थीत तिनदिने पुरुष भलिबल प्रतियोगिता हुन लागेको आयोजकले जनाएको छ । चैत्र १३ गतेदेखि सुरुहुने उक्त प्रतियोगिता चैत्र १५ सम्म लक्ष्मीमार्ग स्थीत संगम टोलको खेल मैदानमा संचालन हुनेछ ।
प्रतियोगितामा मोरङ जिल्लाभरीका पालिकाहरु मध्येबाट बेलबारी नगरपालिका, सुन्दरहरैँचा नगरपालिका, पथरी सनिश्चरे नगरपालिका, लेटाङ नगरपालिका, उर्लाबारी नगरपालिका, रंगेली नगरपालिका, मिक्लाजुङ गाँउपालिका, केराबारी गाँउपालिका र बुढिगंगा गाँउपालिका सहभागी रहने आयोजकले जनाएको छ । आयोजक क्लबका अध्यक्ष कमल राईका अनुसार प्रतियोगिताको विजेता टिमले ३५ हजार नगर र उपबिजेता टिमले २५ हजार नगद पाउनेछन् ।
