जेवि टुहुरे फाउण्डेसनको भवन शिलान्यास

इटहरी । संविधानसभा सदस्य एवम् सुप्रसिद्ध जनगायक जेवी टुहुरेको नाममा स्थापित जेवी टुहुरे फाउण्डेसनको भवन सुनसरीको इटहरीमा बन्ने भएको छ ।

इटहरी उपमहानगरपालिकाका मेयर द्वारिकलाल चौधरीले शुक्रबार भवनको शिलान्यास गर्नुभयो ।

नेपालको जनवादी गीत संगीतको क्षेत्रमा झण्डै आधा शताब्दी अघिदेखि निरन्तर सेवारत टुहुरेका नाममा २०७५ सालमा फाउण्डेसन स्थापना गरिएको हो। उपमहानगरपालिकाले उपलब्ध गराएको १० कठ्ठा क्षेत्रफलको जग्गामा भवनको शिलान्यास गरिएको फाउण्डेसनकी अध्यक्ष निर्भिका टुहुरेले बताउनुभयो ।

फाउण्डेसनले भविष्यमा प्रतिभा भएका तर गरिबीले गर्दा उजागर गर्ने मौका नपाएकाहरुलाई सांगितिक क्षेत्रमा मद्दत गर्ने बताएको छ । भवन निर्माणका लागि प्रदेश नं. १ सरकारले चालू आर्थिक वर्षमा ४० लाख रुपैयाँ उपलब्ध गराएको छ । ७६ वर्षअघि धरानमा जन्मिएका जनगायक टुहुरे दोस्रो संविधानसभाका सदस्यसमेत रहिसक्नुभएको छ ।

टुहुरेका ‘आमा दिदीबहिनी हो……लगायतका चर्चित जागरण गीतहरु छन् ।

शुक्रबार, ३० जेठ, २०७७, दिउँसोको ०४:३४ बजे

One thought on “जेवि टुहुरे फाउण्डेसनको भवन शिलान्यास

  1. Heart bata nai khusi chu aja ma sano huda rat ko 12 bajay Topgachi mujurvita ma jb dai lay gaunu bhayako yad cha ..Bastab ma Dilai bhaya ne yo ramro kuro ko suruwat bhaya ko cha …

प्रतिक्रिया:

सम्बन्धित खवर