एजेन्सी। अमेरिकी राष्ट्रपति डोनाल्ड ट्रम्पले कोरोना भाइरस (कोभिड–१९) को खोप पत्ता नलागे पनि अब अमेरिका खुल्ने बताएका छन् ।
यस वर्षको अन्तिमसम्म कोरोना भाइरसको खोप पत्ता लाग्ने दावी गर्दै ट्रम्पले खोप पत्ता नलागे पनि अमेरिका बन्द भइनरहने बताए ।
खोप पत्ता नलागे पनि अमेरिकीहरूको जनजीवन सामान्य अवस्थामा फर्किने ट्रम्पको भनाइ छ । विशेषज्ञहरुले यस वर्षको अन्तिमसम्ममा कोरोना भाइरसको खोप निर्माण हुनेमा आशंका व्यक्त गर्दै आएका छन् ।
अहिले विभिन्न १४ किसिमका खोप निर्माणको प्रयास भइरहेको ट्रम्पको भनाइ छ । उनले निकै छिटो र महत्त्वपूर्ण हिसाबमा यो खोप निर्माण हुने अपेक्षा पनि व्यक्त गरेका छन् ।
ट्रम्पले पूर्ण रूपमा मानिसहरू खोपमा निर्भर नरहने बताउँदै अब खोप नबने पनि अमेरिका सामान्य बन्ने बताए । अन्य धेरै फ्लुको खोप नबन्दा पनि मानिसहरूमा ती फ्लूविरुद्ध लड्ने प्रतिरोधी क्षमता विकास भएको उनको भनाइ छ ।
खोप निर्माणको नेतृत्व ग्लोक्सोस्मिथक्लाइनकाको खोप विभागको नेतृत्व गरिसकेका मोनासेफ स्लाओइलाई दिइएको छ । ट्रम्पपछि बोल्दै स्लाओइले सन् २०२० को अन्तिमसम्म लाखौं डोजको कोरोना भाइरसको खोप निर्माण हुने दाबी गरेका छन् । बीबीसीबाट
प्रतिक्रिया दिनुहोस्
यस लेखमा प्रतिक्रिया बन्द गरिएको छ।