विराटनगर । बाँकेको नेपालगञ्जमा आइतबार १५ जनामा कोरोना संक्रमण पुष्टि भएको छ । अपरान्ह ९ जनामा संक्रमण पुष्टि भएको थियो ।
स्वास्थ्य तथा जनसंख्या मन्त्रालयले राति पौने ८ बजे विज्ञप्ति जारी गरेर १५ जनामा कोरोना संक्रमित पुष्टि भएको जानकारी दिएको छ ।
भेरी अस्पतालमा संकास्पद २४ जनाको स्वाब संकलन गरेर परीक्षण भइरहेको छ । आइतबार परीक्षण गरिएका १५ रिपोर्ट पोजेटिभ आएको हो । यो सँगै नेपालमा संक्रमितको संख्या ७५ पुगेको छ ।
एकैठाउँमा यतिधेरै व्यक्तिमा कोरोना पुष्टि भएपछि प्रदेश ५ नेपालको जोखिमयुक्त क्षेत्र बन्न पुगेको छ ।
* सच्याइएको
