विराटनगर । विराटनगरमा उच्च शिक्षा अध्यापन गराउने शिक्षकको क्षमता अभिबृद्धि गर्न कार्यशालासहित तालिम हुने भएको छ ।
इनोभेट नेपाल ग्रुप अन्तर्गतको भृकुटी मार्ग स्थित मेरिल्याण्ड कलेजको आयोजनामा एक दिने शिक्षक तालिम हुने भएको हो ।
फाल्गुन १४ गते बुधबार आयोजना हुने कार्यक्रममा शिक्षाविद् प्रा.डा.मनप्रसाद वाग्लेले विराटनगरमा उच्च शिक्षा पढाइरहेका शिक्षकलाई वर्तमान अवस्थाको शिक्षण बिधि सम्बन्धी कार्यशालासहितको तालिम सञ्चालन गर्ने मेरिल्याण्ड कलेजका बिजनेस डेभलपमेन्ट प्रमुख विवेक दाहालले बताउनुभयो । कार्यक्रम ठिक २ बजेबाट कलेजको हलमा सञ्चालन हुने उहाँले जानकारी दिनुभयो ।
लामो समय अध्यापन तथा अनुसन्धान क्षेत्रमा क्रियाशील शिक्षाविद् वाग्लेको कार्यशालाले पूर्वमा रहेका शिक्षकहरुलाई नयाँ शैक्षिक वातावरणमा गुणस्तरीय शिक्षा प्रदान गर्न उपयोगी रहने कलेजका प्रमुख कार्यकारी डा.ऋषिकेश वाग्लेको बताउनुभएको छ । तालिममा कुनै शुल्क नलाग्ने पनि आयोजकले जनाएको छ ।
