विराटनगर । नेपाल काभा महिला भलिबल नेसन्स लिगको फाइनलमा प्रवेश गरेको छ । इरानलाई सोझो सेटमा पराजित गरेसंगै नेपाल फाइनलमा प्रवेश गरेको हो ।
इरानमाथिको जीतसँगै नेपालले बुधवार हुने उपाधि भिडन्तमा भारतसँगको भेट पक्का गरेको हो ।
मंगलवार दशरथ रंगशालाको कभर्ड हलमा भएको सेमिफाइनलको पहिलो सेट २५–२१ ले जितेको थियो । नेपालले दोस्रो सेटमा पनि उत्कृष्ट कमब्याक गर्यो । चारपटक सेट प्वाइन्ट जोगाउँदै दोस्रो सेट नेपालले २८–२६ ले जितेको हो ।
यस्तै तेस्रो सेट पनि नेपालले २५–२० ले जित्न सफल रह्यो ।
भारत बुधवार नै श्रीलंकालाई हराएर फाइनलमा पुगेको हो । समूह चरणको खेलमा नेपालले भारतलाई हराएको थियो ।
