काठमाडौं । इङ्ग्लिस प्रिमियर लिग फुटबलमा म्यानचेस्टर युनाइटेड विजयी भएको छ ।
गएराति भएको खेलमा बर्नलीलाई ३–१ गोल अन्तरले पराजित गर्दै म्यानचेस्टर युनाइटेड अङ्क तालिकाको शीर्ष ६ मा पुगेको छ ।
म्यानचेस्टर युनाइटेडले पहिलो हाफ अघि नै तीन गोल गर्यो । खेलको आठौँ मिनेटमा एमसी टोमिनीले गोल गर्दै अग्रता दिलाए ।
यस्तै, २७औँ मिनेटमा म्यानचेस्टर युनाइटेडले आत्मघाती गोलमार्फत अग्रता दोब्बर बनायो भने खेलको ३५औँ मिनेटमा क्रिस्टियानो रोनाल्डोले गोल गरे ।
बर्नलीका लागि आरोन लेननले खेलको ३८औँ मिनेटमा गोल गरे । जितसँगै म्यानचेस्टर युनाइटेड ३१ अङ्कसहित छैटौँ स्थानमा छ भने ११ अङ्क रहेको बर्नली अङ्क तालिकामा १८औँ स्थानमा छ ।
