उर्लाबारी । पछिल्लो समय युटुबमा भाईरल बनेका जन्तरे मामा भनेर चिनिने अमितकुमार राई र गायिका एलिना चौहानको कोपिला जस्तो जोवन बोलको गीत सार्वजनिक भएको छ ।
युटुबर एवम् पत्रकार किशोर श्रेष्ठको युवा मन नेपाल नामक युटुब च्यानलबाट गीत सार्वजनिक गरिएको हो । गीतमा कृष्ण उदासीको शब्द रहेको छ भने बादल लिम्बूले संगित दिएका छन् । गीतमा जन्तरे मामासँगै छबि श्रेष्ठ, एलिसा पोख्रेल र जमुना राईको मुख्य अभिनय रहेको छ । गीतको छाँयाकन इलाम र बिर्तामोडस्थित होटल हेभन्लीमा गरिएको छ ।
गीतको निर्मातामा भवन् आचार्य रहेका छन् भने निर्देशन विवेक हिङमाङले गरेका हुन् । भिडियोको सपोर्टिङ अभिनयमा शोभितमाया तामाङ, धनुष महतो, शान्ति राई, जेनिशा राई, जानुका तामाङ, रुद्र चिमरिया, ज्ञानु वाईवा, राम डंगोललगायत रहेका छन् ।
