इलाम । आफ्नै आमालाई बलात्कार गरी फरार भएका एक युवालाई इलाम प्रहरीले पक्राउ गरेको छ ।
इलामका २३ वर्षीय युवाले आफ्नै ६३ वर्षीय आमालाई भदौ ७ गते राति बलात्कार गरेर फरार भएको आरोप छ ।
फरार युवाविरुद्ध जिल्ला प्रहरी कार्यालय, इलाममा परेको जाहेरीका आधारमा प्रहरीले मंगलबार राति ती पक्राउ गरेको जिल्ला प्रहरी कार्यालय इलामले जनाएको छ । परिवारभित्रको घटना भएको र परिचय खुल्दा थप समस्या हुने भएका कारण पीडक र पीडितको नाम ठेगाना गोप्य राखेर अनुसन्धान अगाडि बढाएको प्रहरीले जनाएको छ ।
पक्राउ परेका ती युवालाई जिल्ला प्रहरी काार्यलय ल्याएको र अदालतबाट म्याद थप गरी अनुसन्धान अगाडि बढाउने प्रहरीले जनाएको छ । युवाविरुद्ध जवर्जस्ती करणी, हाडनाता करणीलगायतका मुद्दामा अनुसन्धान हुनेछ ।
