ग्रेटडिल्स ९९ अनलाईन पसल सञ्चालनमा

विराटनगर । विराटनगरमै पहिलोपटक ५ सय बढी स्वदेशी तथा विदेशी उत्पादनसहितको ‘ग्रेटडिल्स ९९’ नामक अनलाईन शपिङ वेबपोर्टल सञ्चालनमा आएको छ ।

न्युनतम ९ रुपैयाँदेखि अधिकतम २ हजार रुपैयाँसम्मका उत्पादनहरु मोबाईलका माध्यमबाट घरबसी खरिद मिल्ने गरि उक्त अनलाईन शपिङ वेबपोर्टल सञ्चालनमा आएको हो । बुधबार विराटनगरमा पत्रकार सम्मेलन गर्नुहुँदै कोरोना महामारीका कारण घरबाहिर गएर सामान खरिद गर्नु जोखिमपुर्ण भएकाले सोको विकल्पका रुपमा ग्रेटडिल्स९९ डटकम नामक व्यावसायिक वेबपोर्टलको अवधारणा अघि सारिएको कम्पनीका प्रबन्ध निर्देशक प्रशान्त ठाकुरले बताउनुभयो । उहाँले ग्रेटडिल्स मार्फत १ हजारभन्दा माथिको कुनै पनि उत्पादन खरिद गर्दा डेलिभरी शुल्क नलाग्ने र सो बाट प्राप्त हुने मुनाफाकोे १ रुपैयाँ गरिब बालबालिका तथा वृद्धवृद्धाका लागी सहयोगार्थ प्रदान गरिने जानकारी दिनुभयो ।

प्रदेश नं. १ का प्रमुख शहरहरुमा सेवा विस्तार गर्ने विश्वासका साथ आजदेखि सञ्चालनमा आएको ग्रेटडिल्स९९ डटकम मार्फत सस्तो र सुलभ मुल्यमा स्वदेशी तथा विदेशी उत्पादनहरु खरिद गर्न सकिने कम्पनीले जनाएको छ ।

खरिदबिक्री प्रक्रियालाई सहज बनाउन चाँडै नै प्लेस्टोरमा ग्रेटडिल्स ९९ नामक मोबाईल एप्लिकेशन पनि निमार्ण गरि सञ्चालनमा ल्याउने कम्पनीको योजना रहेको छ ।

बुधबार, १४ साउन, २०७७, साँझको ०७:४४ बजे

प्रतिक्रिया:

सम्बन्धित खवर