विराटनगर । अमेरिकन आइडलका लागि जारी प्रतिष्पर्धामा नेपाली युवक दिवेश पोखरेल (आर्थर गन) अन्तिम पाँच जनामा छनौट हुनुभएको छ । योसँगै उहाँले अन्तिम चरणमा प्रवेश पाउनुभएको हो ।
उपाधिका लागि अब दिवेशले मतदानको प्रकृयाबाट प्रतिष्पर्धा गर्नुपर्ने छ र मतदान खुला भइसकेको छ । अन्तिम चरणमा प्रत्येक प्रतियोगीले दुई दुई वटा प्रस्तुति दिनेछन् भने एक घण्टाका लागि मतदानसमेत खुला भएको छ । बढी मत प्राप्त गर्ने अमेरिकन आइडलमा छनौट हुनेछन् ।
उच्च अध्ययनका लागि अमेरिकाको क्याम्ससमा बस्दै आउनभएका २२ वर्षे दिवेश काठमाण्डौका निवासी हुन् ।
