दमक । झापाको गौरीगंज गाउँपालिका–६ देवीगंजबाट मोटरसाइकल चोरी गरेको अभियोगमा दुई जनालाई प्रहरीले पक्राउ गरेको छ ।
बिआर ३८८१३५ नम्बरको मोटरसाइकल चोरी गरेको अभियोगमा गौरादह–७ ग्वालडुब्बा का ३७ वर्षीय कालचन माक्रा र गौरीगंज–६ का २७ वर्षीय शरद कुमार माक्रा पक्राउ परेका हुन् ।
गौरीगंज–६ देवीगंजका उपेन्द्र यादवको घरबाट सोमबार राति मोटरसाइकल चोरी भएको थियो । चोरी भएको खबर प्राप्त हुनासाथ ईलाका प्रहरी कार्यालय गौरीगंजबाट खटिएको प्रहरीले घटनाको अनुसन्धान गर्ने क्रममा कालचनको घरमा मोटरसाइकल चोरी गरी लुकाइछिपाई राखेको अवस्थामा फेला पारिएको हो ।
पक्राउ परेका दुबै जनालाई चोरी मुद्दामा आवश्यक अनुसन्धान भइरहेको जिल्ला प्रहरी कार्यालय झापाले जनाएको छ ।
