विराटनगर । राजस्व अनुसन्धान कार्यालय इटहरीको नियन्त्रणमा रहेको पूर्वाञ्चल करियर्सको प्रदेश १–०१–००१ ख ४७५९ नम्वरको मालवाहक ट्रक ३४ लाख ६२ हजार धरौटीमा मुक्त भएको छ।
चोरी पैठारी गरिएको मालवस्तु बोकेर झापाबाट काठमाण्डौ हिँडेको केरियर्सको उक्त गाडीलाई विशेष सूचनाको आधारमा राजस्व अनुसन्धान कार्यालय इटहरीले गत असोज ७ गते नियन्त्रणमा लिएको थियो । उक्त मालवाहक सवारीमा भारतमा उत्पादित डेरी मिल्क (१८ ग्राम) ३ हजार ८४० पिस, डेरी मिल्क (४० ग्रामको) १ हजार ४४० पिस, मिल्क डेरी मिल्क (१०५ ग्राम) ८ सय ८० पिस, मिक्सचर ग्राइन्डर (३ जार) १२० थान, नभुटेको काजु ४ सय केजी, नेस्ले एभ्रिडे पाउडर मिल्क ३ सय १५ केजी, गुडरिक चिया १२ सय ५४ केजी, साधारण भेष्ट ४ सय थान र उत्पादनको स्रोत नखुलेको सेतो केराउ १३ सय ८० केजी, कफी दाना नभुटेको १३ सय २० केजी मालवस्तु बिल बीजक बिना रहेको थियो।
उक्त मालवस्तुको वास्तविक धनी देखाउन नसके पछि पूर्वाञ्चल केरियर्सले नै जिम्मेवारी लिई कानुन बमोजिमको मालवस्तु र मालवाहक ट्रक छुटाएको हो। सेतो भटमास १५ सय केजीको बील गाडीमा राखेको भए पनि उक्त मालवस्तु भने गाडीमा थिएन। स्रोत नखुलेका बिना बिल बीजकका मालवस्तु जफत गरी स्रोत खुलेका मालवस्तु र सवारी मात्र केरियर्सको जिम्मा लगाइएको कार्यालय स्रोतले जनाएकोछ। भारतसँग सीमा जोडिएका ठाँउहरुबाट चोरी पैठारी गरीतस्करहरुले ट्रान्सपोर्ट, यात्रुवाहक साधनहरुबाट लुकाई छिपाई काठमाण्डौ लगायतका जिल्लाहरुमा मालवस्तु पठाउने क्रम बढे पछि निगरानी बढाइएको कार्यालयले जनाएकोछ।
अहिलेसम्म कुनै प्रतिक्रिया छैन। पहिलो हुनुहोस्!