विराटनगर । दोस्रो संस्करणको ‘प्याब्सन विराट कप’ फुटबल टुर्नामेन्ट प्रतियोगितामा पाँच वटा स्कुल विजयी भई दोस्रो चरणमा प्रवेश गरेको छ । विराटनगरको सहिद मैदानमा शनिवार भएको पहिलो खेलमा विराट शिक्षा स्कुलले ओडिसि स्कुललाई ६–० गोलले हराउँदै दोस्रो चरणमा प्रवेश गरेको हो ।
जितको लागि ओडिसिका रञ्जित दनवारले तीन गोल, ओसिस तिम्सिनाले दुई गोल र सागर राजवंशीले एक गोल गरेका थिए ।सोही दिन भएको दोस्रो खेलमा मदरल्याण्ड एकेडेमीले एभरेस्ट स्कुललाई १–० गोलले पराजित ग¥यो । जितको लागि मदर ल्यान्डका प्रज्वल कार्कीले निर्याण गोल गरे ।
यसैगरी तेस्रो खेलमा ग्रेडेड स्कुलले पोल स्टार स्कुललाई ४–० गोलले हरायो । ग्रेडेडका आर्यन भण्डारीले तीन र रोजल राजवंशीले एक गोल गरेका थिए ।
चौथो खेलमा सेन्ट जोसेफ स्कुलले मेरी गोल्ड स्कुललाई ४– १ गोलले पराजित ग¥यो । जितको लागि सेन्ट जोसेफ स्कुलका शंशांक राईले दुई गोल, आरभ शर्मा, र निश्चल सिटौलाले समान १÷१ गोल गरेका थिए ।
पाँचौँ खेलमा देवकोटा स्कुलले मदर टेरेसा स्कुललाई २–१ गोलले हरायो । जितको लागि देवकोटा स्कुलका राहुल पासवान र अरविन साहीले गोल गरेका थिए । मदर टेरेसाका सर्वन रायले सान्त्वना गोल फर्काए ।
आइतबार पाँच वटा खेल हुनेछ । प्याब्सन विराटनगरले आयोजना गरेको फुटबल पुस १ देखि ८ गतेसम्म संचालन हुने प्रतियोगितामा २८ वटा विद्यालयले भाग लिएको कार्यक्रम संयोजक नन्दलाल मण्डलले जानकारी दिए ।
