विराटनगर । मर्निङ्ग भेट्रान्स क्लब हाटखोला विराटनगरमा जारी १ नं .प्रदेश स्तरीय प्रथम टुबोर्ग मिल्स भेट्रान्स गोल्ड कप प्रतियोगिताको सेमिफाइनलमा पुगेको छ ।
विराटनगर जुट मिलको खेलमैदानमा मंगलबार भएको खेलमा मर्निङ्ग भेट्रान्स क्लब हाटखोला विराटनगरले राजघाट भेट्रान्स क्लब उर्लाबारीलाई सडेनडेथमा ५–४ गोलले पराजित गरी सेमिफाइनलमा पुगेको हो ।
निर्धारित समयसम्म १/१ गोलको खेल बराबरी भएपछि खेल ट्राईब्रेकर भएको थियो । सडनडेथमा हाटखोलाका सुर्लव जङ्ग राना, राजु थापा मगर, एम कुमार मगर, सुमन श्रेष्ठ र सुनिल राउतले गोल गरेका थिए ।
राजघाटको तर्फबाट राजु खड्का, दीपक लिम्बु, लीला जोशी र उत्तम लिम्बुले मात्र गोल गरेका थिए ।
खेलको म्यान अफ द म्याच हाट खोलका गोल किपर सुरेन्द्र श्रेष्ठ घोषित भए । उनले नगद २ हजार १ सय रुपैयाँ पाए । म्यान अफ द म्याच हुने खेलाडीलाई पुरस्कार नेपाल पत्रकार महासंघ मोरङका अध्यक्ष संजीव खनालले वितरण गरेका थिए ।
बुधवार को खेल आयोजक मिल्स भेट्रान्स क्लब रानी विराटनगर र भरौल भेट्रान्स क्लब सुनसरीबिच हुने मिल्स भेट्रान्स क्लबका संयोजक मनोज खड्काले जानकारी दिए ।
