बेलबारी । बाबुको काजकिरिया बारेकै अवस्थामा मोरङ बेलबारीका आभाष पाण्डे कक्षा १२ को परीक्षामा सहभागी बन्नुभएको छ ।
कक्षा १२ को परीक्षा मंगलबारबाट सुरु भएपछि किरिया बस्नुभएका पाण्डे बेलबारी ९ स्थित काली माध्यामिक विद्यालय स्थित परीक्षा केन्द्रबाट परीक्षामा सहभागी बन्नुभएको हो ।
विराटनगर स्थित मेरिल्याण्ड कलेजमा अध्ययनरत पाण्डेलाई छुट्टै कोठामा राखेर बेलबारीबाटै परीक्षा दिने व्यवस्था मिलाइएको प्रधानध्यापक नारायण कोइरालाले जानकारी दिनुभयो ।
मोरङका परीक्षा केन्द्रहरुमा स्वास्थ्यकर्मीसहितको हेल्थ डेक्स राखेको, साबुनपानीले हात धुने, ज्वरो मापन गर्ने, मास्क अनिवार्य लगाउनु पर्ने जस्ता विधि अवलम्वन गरेर परीक्षा सञ्चालन गरिएको छ ।
कोभिड महामारीका बीच मंगलबार देखि देशैभर कक्षा १२ को परीक्षा सुरु भएको छ । कतिपय स्थानीय तहले कोरोना महामारीबीच स्वास्थ्य मापदण्ड अपनाएर विद्यालय सञ्चालनसमेत गरिसकेका छन् ।
