विराटनगर । गीत/संगीत मनोरञ्जनको माध्यम मात्र होइन, गीत/संगीतको मद्दतले धेरै सामाजिक परिवर्तनको लागि भूमिका खेलेको छ ।
यस्तै ट्राफिक सचेतनासम्बन्धी सन्देश बोकेर नयाँ म्यूजिक भिडियो ‘ट्राफिक हाम्रो साथी’ बजारमा आएको छ । पूर्वको उदाउँदा मोरङ निवासी गायक तथा संगीतकार प्रेम घिमिरेले संगीत भरेको उक्त गीत चितवनका १३ वर्षे बाल गायक प्रिन्स सिलवालले स्वर दिएका छन् ।
प्रहरी प्रधान कार्यालय नक्साल र महानगरीय ट्राफिक महाशाखाको समन्वयमा बनेको यो गीतले सडक अनुशासन सम्बन्धी सन्देश दिनुको साथै ट्राफिक नियम पालना नगर्दा ज्यान जानेतर्फ सचेत गराएको छ ।
गीतमा घिमिरेले उत्कृष्ट संगीत भरेका छन् । घिमिरेले संगीत दिएको ताजा समाचार बोलको म्यूजिक भिडियो भोली (बुधबार) सार्वजनिक हुँदैछ । घिमिरेले ए झ्याउरी, बाबा, माया लाग्छ नेपालको, दिलैको दरबार, पूर्वेली ठिटी, मेरी कान्छी, नाचौ छ्म छ्मी, हासेर बोलिदेउलगायतका २० भन्दा बढी गीतमा संगीत भरिसकेका छन् भने १२ वटा गीतमा आफैंले स्वर दिएका छन् ।
