सोलुखुम्बु । सोलुखुम्बुको महाकुलुङ गाँउपालिका ४ बाट आफ्नै बाबुको हत्या आरोपमा एक जना पक्राउ परेका छन् ।
फलामको पाइपले हानेर बाबुको हत्या गर्ने १९ बर्षीय कुवेर राई पक्राउ परेका हुन् ।
बिहीबार साँझ घरायसी बिषयमा ५७ बर्षीय सन्तकुमार राई र उनकै छोरा कुबेरबीच बादबिबाद भएको थियो । विवादमा कुवेरले आगो फुक्ने फलामको ढुंग्रोले बाबु सन्तकुमार राईलाई टाउँकोमा प्रहार गर्दा उनको घटनास्थलमानै मृत्यु भएको प्रहरीले जनाएको छ ।
आफन्तले ईलाका प्रहरी कार्यालय सोताङमा घटनाबारे जानकारी गराएपछि जिल्ला प्रहरी कार्यालय सोलुखुम्बु समेतबाट प्रहरी टोली खटिएको छ । प्रहरीले कुवेर राईलाई नियन्त्रणमा लिई घटना सम्बन्धमा थप अनुसन्धान गरिरहेको जिल्ला प्रहरी कार्यालय सोलुखुम्बुले जनाएको छ ।
