विराटनगर । नेपालमा कोरोना संक्रमितको संख्या ६ सय ८२ पुगेको छ ।
स्वास्थ्य तथा जनसंख्या मन्त्रालयले सोमबार दिउँसो थप ७ जनामा संक्रमण पुष्टि गरेसँगै संक्रमितको संख्या ६ सय ८२ पुगेको हो ।
नियमित मिडिया ब्रिफिङमा मन्त्रालयका प्रवक्ता डा. विकास देवकोटाले अछामका १, बर्दियाका ३ जना, पर्साका १ जना, बाराका १ जना र बाराका मृतक वृद्ध गरी ७ जना संक्रमित थप भएको जानकारी दिनुभएको हो । सोमबार बिहान मात्रै ७२ जनामा कोरोना संक्रमणको पुष्टि मन्त्रालयले गरेको थियो ।
हालसम्म संक्रमितहरु मध्ये १ सय १२ जना निको भएर घर फर्किसकेको मन्त्रालयले जनाएको छ । यस्तै चार जनाको मृत्यु भएको छ ।
आइतबारसम्म नेपालमा आरडीटी विधिबाट ९५ हजार १ सय ९२ नमुना परीक्षण भएको छ भने पीसीआर विधिबाट ५१ हजार ६ सय ४२ परीक्षण भएको जनाएको छ ।
