विराटनगर । विराटनगरमा रहेको शिक्षादिप उच्च माविमा आइतबार रक्तदान गरिएको छ ।
उच्च माविको प्राङ्गणमा भएको रक्तदानमा ८६ पिन्ट रगत संकलन गरिएको कलेजका व्यवस्थापन संकाय को–अर्डिनेटर शंकर भट्टराईले जानकारी दिनुभयो ।
कार्यक्रममा उच्च माविमा अध्ययनरत विद्यार्थी, कर्मचारी र कलेजमा अध्ययापन गराउने शिक्षक तथा शिक्षिकाहरूले रक्तादन गरेका थिए । रक्तसंचार केन्द्र विराटनगरमा भइरहेको रगत आभावलाई पूर्ती गर्ने उद्देश्यले रक्तदान गरिएको उच्च माविले जनाएको छ ।
रगत नपाएर अकालमा कसैको पनि ज्यान नजाओस् भनेर ‘रक्तदान, जीवन दान’ भन्ने मुल नाराको साथ रक्तदान कार्यक्रम भएको को–अर्डिनेटर भट्टराईले बताउनुभयो ।
