काठमाडौँ । विश्वकप २०२६ को क्वाटरफाइनलमा फ्रान्स र मोरक्कोबीच प्रतिस्पर्धा हुने भएको छ। गएराति सम्पन्न अन्तिम १६ का खेलहरूमा जित निकाल्दै यी दुई टोलीले सेमिफाइनल प्रवेशका लागि एकअर्कासँगको भेट पक्का गरेका हुन्।
प्रतियोगिताको सहआयोजक क्यानडालाई ३–० को फराकिलो अन्तरले पराजित गर्दै अफ्रिकी पावरहाउस मोरक्को क्वाटरफाइनलमा पुग्न सफल भएको हो। मोरक्कोले अब सेमिफाइनलमा स्थान बनाउनका लागि उपाधि दाबेदार फ्रान्सको चुनौती सामना गर्नेछ।
अर्कोतर्फ, फ्रान्सले आफ्नो अन्तिम १६ को खेलमा पाराग्वेलाई १–० ले पाखा लगाउँदै अघिल्लो चरणको यात्रा तय गरेको हो। फ्रान्स र मोरक्कोबीचको यो रोचक क्वाटरफाइनल भिडन्त बोस्टन स्टेडियममा ९ जुलाई अर्थात् बिहीबार हुने तय भएको छ।
यस खेलको विजेताले प्रतियोगिताको सेमिफाइनलमा स्थान सुरक्षित गर्नेछ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।