विराटनगर । प्रेस सेन्टर नेपालको २१ औँ स्थापना दिवसको अवसर पारेर ज्येष्ठ नागरिकहरूलाई फलफूल र स्वास्थ्य सामाग्री वितरण गरिएको छ ।
प्रेस सेन्टर नेपाल मोरङले म लबार स्थापना दिवसमा विराटनगर ८ मा रहेको विश्वेश्वर वृद्धा आश्रममा फलफूल र स्वास्थ्य सामाग्री वितरण गरेको हो ।
आश्रममा रहेका ६५ जना ज्येष्ठ नागरिकहरूलाई फलफूल र स्वास्थ्य सामाग्री वितरण गरिएको प्रेस सेन्टर नेपाल मोरङका सचिव अनिल श्रेष्ठले जानकारी दिए । आश्रममा २९ जना महिला र ३६ जना पुरुष ज्येष्ठ नागरिक रहेका छन् । आश्रममा रहेका ज्येष्ठ नागरिकहरूलाई आवश्यक पर्ने प्राथमिकता उपचार र दीर्घ रोगी ज्येष्ठ नागरिकले सेवन गर्ने औषधी पनि वितरण गरिएको छ । फलफूल र स्वास्थ्य सामाग्री प्रेस सेन्टर नेपाल मोरङका अध्यक्ष नवीन कर्ण, उपाध्यक्ष श्रीमन्त भट्टराई र कोषाध्यक्ष प्रेम देवानले विश्वेश्वर वृद्धा आश्रमका अध्यक्ष जगप्रसाद अर्याल लाई हस्तान्तरण गरे ।
फलफूल र स्वास्थ्य सामाग्री वितरण कार्यक्रममा प्रेस सेन्टर नेपाल प्रदेश १ का निवर्तमान अध्यक्ष विनोद घिमिरे, सेन्टरका उपाध्यक्ष सुजता लिम्बु, महासचिव गोकुल पराजुली, प्रदेशका सदस्यहरू हरि अधिकारी, प्रेस सेन्टर मोरङका निवर्तमान अध्यक्ष अर्जुन आचार्यलगायत कार्यसमितिहरूको उपस्थिति रहेको थियो ।
