विराटनगर । पूर्वमन्त्री तथा नेकपा माओवादी केन्द्रका केन्द्रीय सदस्य अमनलाल मोदीले केपी ओलीको सरकारले विवादित पात्रको हातबाट अरबौंका दान लिनु घुष भएको दाबी गरेका छन् ।
मोरङको ग्रामथानस्थित तेतरियामा सोमबार आयोजित पार्टी सम्पर्क कार्यालय उद्घाटन तथा उम्मेदवार घोषणा कार्यक्रममा बोल्दै उनले यस्तो बताएका हुन् ।
उनले नेकपा एमाले भ्रष्टाचारको दलदलमा फसेको बताउँदै एमालेका कार्यकर्तालाई पार्टी छोड्न आव्हान गरे । प्रचण्ड प्रधानमन्त्री हुँदा भ्रष्टाचारको सुई आरजु देउवा र केपी ओलीतिर सोझिएपछि सरकार ढालिएको बताए ।
उनले ग्रामथानको उपनिर्वाचनमा आफ्नोे पार्टीको उम्मेदवार नमोनारायण माझीले जित्ने दाबी गरे ।
