विराटनगर । नेकपा एमाले उदयपुरको अध्यक्षमा भागवत राउत निर्वाचित भएका छन् । अध्यक्ष परमेश्वर घिमिरेलाई पराजित गर्दै राउत निर्वाचित भएका हुन । राउतले ३४४ मत प्राप्त गरी निर्वाचित भएका छन् भने घिमिरेले २३० मत प्राप्त गरेका छन् । घिमिरेलाई राउतले १ सय १४ मतको अन्तरले पराजित गरेका छन् ।
उपाध्यक्षमा कालुमान लामा एक मतले विजयी भएका छन् । विजयी लामाले १९२ मत प्राप्त गरेका छन् भने प्रतिस्पर्धी दिलबहादुर तामाङले १९१ र भरतबहादुर थापाले १३७ मत प्राप्त गरेका छन् । यसैगरी सचिवमा टेकबहादुर राउत विजयी भएका छन् । राउतले १९१ मत प्राप्त गरेका छन् भने प्रतिस्पर्धी महेश रोकाले १४० र शम्भु पौडेलले १८३ मत प्राप्त गरेका छन् ।
उपसचिव खुलातर्फ हेमबहादुर खडका निर्वाचित भएका छन् । खडका १९४ मत प्राप्त गरी विजयी बन्दा अन्य उम्मेदवारहरू जीवनाथ दाहाल १०८, दुर्गानन्द चौधरी ५३, धर्मबहादुर तामाङ ४६ र मन्दिप राईले ९३ मत प्राप्त गरेका छन् ।
महिला उपसचिवमा गंगा राई २६० मत प्राप्त गरी निर्वाचित भएकी छन् । उनका प्रतिस्पर्धी महेश्वरी राईले १४९ र गीता खडकाले १२५ मत प्राप्त गरेका छन् ।
