काठमाडौं । एसिया कप क्रिकेट प्रतियोगितामा भारतविरुद्धको खेलमा नेपाललाई तेस्रो झट्का लागेको छ ।
५ रन बनाएका कप्तान रोहित पौडेल स्लिपमा क्याच भएका हुन् । यसअघि १७ बल खेलेका भीम सार्की ७ रन जोडेर आउट भएका थिए ।
कुशल भुर्तेल ३८ रनमा पेबेलियन फर्किएका थिए ।
नेपाल र भारतले समूह चरणको अन्तिम खेलमा प्रतिस्पर्धा गरिरहेका हुन् ।
पहिलो खेलमा नेपाल पाकिस्तानसँग पराजित भएको थियो भने भारत र पाकिस्तानबीचको खेल वर्षाले अवरुद्ध भएको थियो ।
नेपाल र भारत शीर्ष स्तरमा भेट भएको यो पहिलोपटक हो ।
यो खेल जित्ने टोलीले अन्तिम ४ मा स्थान बनाउने छ भने हार्ने टीम समूह चरणबाटै घर फर्किने छ ।
वर्षाका कारण खेल पूरा हुन नसकेमा भारत अगाडि जानेछ ।
