धरान । कवि, मुक्तकार, गीतकार दिलिप योन्जन तामाङको नयाँ मुक्तक सङ्ग्रह ‘आगमन’ तथा अमर र अविरलको दोश्रो संस्करण धरानमा विमोचन भएको छ ।
नेपालमा आएको समयमा उनीद्वरा लिखित मुक्तक संग्रहलाई धरानका साहित्यकार समक्ष सार्वजनिक गरिएको हो । साहित्यकारहरु विशाल नाल्बो, सुदिप पाख्रिन, चन्द्र गुरुङ्ग, पराजित पोमु, इन्दु नेपाल योञ्जन लगायतका साहित्यकारहरुको कार्यक्रममा उपस्थिति रहेको थियो ।
साहित्यकार दिलिप योन्जन तामाङका हालसम्म मान्छेको भिडमा, आस्था खोजिरहेछु, कविता संग्रह गाउँबेसीमा फुलै फुल्यो गीति संग्रह, अनुपम, अमूल्य, अजम्बरी, आफ्नै छाँयाले, अनुराग सिडि, अबिरल, अमरलगायतका सृजना प्रकाशित छन् । साथै उनले मुक्तकमा राजनीतिक नेतृत्वको कारणबाट जनताले भोगेका पीडालाई मार्मिक रुपमा साहित्यमार्फत व्यक्त गरेका छन् ।
