विराटनगर । विराटनगर महानगरपालिकाको प्रमुख पदमा गठबन्धनका उम्मेद्वार नागेश कोइरालाले मतअन्तर फराकिलो पार्दै लगेका छन् ।
भर्खरै सार्वजनिक भएको मत परिणाम अनुसार कोइरालाले ५६९३ मत ल्याउँदा उनका निकटतम प्रतिद्वन्द्वी एमालेका सागर थापाले ४०८३ मत ल्याएका छन् ।
स्वतन्त्र उमेश यादवले १९७४ मत ल्याएका छन् । राप्रपाका प्रलाद शाहले १०१५ मत ल्याएका छन् । उपमेयरमा एमालेकी शिल्पा निरौला कार्कीले ४६८७ मत ल्याएर अग्रता कायम गरिरहेकी छिन् भने जसपाका अरमेन्द्र यादवले ३१६३ मत ल्याएका छन् । यस्तै उपमेयरमै बिन्दा कुमारी लुइँटेलले १२२४ मत प्राप्त गरेकी छिन् । स्वतन्त्र उम्मेदवार नमिता न्यौपानेले १०७८ मत प्राप्त गरेकी छिन् ।
अहिलेसम्म १८०६४ मत गणना भइसकेको छ । १ लाख ३३ हजार १ सय ४२ मतदाता रहेको विराटनगरमा ८९ हजार ६ सय ७८ मत खसेको थियो ।
