विराटनगर । मन्जुश्री गिरीको ‘सपनाको सिरानी’ नामक मुक्तक संग्रह आज विमोचन भएको छ ।
नारी स्रष्टा समाज प्रदेश १ ले शुक्रबार आयोजना गरेको कार्यक्रममा मुक्तक संग्रह विमोचन गरिएको हो । दुई सय ५० वटा मुक्तक समेटिएको उक्त कृति नारी स्रष्टा समाजको अध्यक्ष ममता मृदुल, वरिष्ठ नाटककार तथा साहित्यकार अशेष मल्ल, साहित्यकार गंगा सुवेदी, लघुकथा समाज नेपालका अध्यक्ष श्रीओम श्रेष्ठ रोदनलगायतले विमोचन गरेका थिए ।
भर्चुअल माध्यामबाट गरिएको विमोचन कार्यक्रममा मुक्तक समाज प्रदेश १ का अध्यक्ष बाबुराम पोखरेल, डा. मुरारी पराजुली, मुक्तककार शिव त्रिपाठी, पत्रकार तथा समालोचक दीपक लोहनी, लघुकथा समाज प्रदेश १ का सचिव पर्शुराम घिमिरे, साहित्यकारहरु रन्जना पराजुली लम्साल, लक्ष्मी रायमाझी, रामकुमार पंडितलगायतको उपस्थिति थियो ।
