जग्गा कारोबारी रमेश यादवको दोहोरो नागरिकता, २ लाखमा किनेको दाबी

विराटनगर । विराटनगर–८ मधुमारामा बस्दै आएका विराटनगरका जग्गा कारोबारी रमेश यादवको दोहोरा नागरिकता रहेको पाइएको छ । यादवको नेपाल र भारत दुवै देशको नागरिकता बनाएको पाइएको हो ।

उनले २०६३ साल चैत २८ गते नेपाली नागरिकता बनाएको पाइएको छ । साविकको विराटनगर २२ वडा खुलाएको यादवको टोली आएको बेलामा नगरिकता बनाएका छन् । तर, यादवले २ लाख रूपैयाँमा तीन वर्ष अगाडि नागरिकता बनाएको भन्दै हिंड्ने गरेका गरेका छन् । उनको नेपाली नागरिकता नम्बर ०५३०८७/२२१ रहेको छ । जगदिव यादव बावु रहेको रमेशको भारतीय मतदाता परिचय पत्र एमएफभि ५६५७२३४ रहेको छ ।

सन् २००५ जुन ६ तारिखमा यादवले बनाएको भारतीय मतदाता परिचय पत्र अनुसार निर्वाचनमा फारबिसगंजमा निर्वाचन केन्द्र उल्लेख छ । दोहोरो नागरिकता बनाएको खुलेपछि यादव विरूद्ध जिल्ला प्रशासन कार्यालय मोरङमा उजुरी पनि परेको छ । जिप्रका मोरङमा अनुसन्धान र दोहोरा नागरिकता धारी यादवलाई कारवाहीको माग राख्दै प्रमाणसहित उजुरी परेको बुझिएको छ । दोहोरो नागरिकता बनाएका यादवले जग्गाको कारोबार गर्नुको साथै विराटनगरमा व्यापार क्षेत्रमा पनि लागनी गर्दै आएका छन् । दोहोरा नागरिकता लिएको विषयमा यादवसँग सम्र्पक गर्न खोज्दा उनी सम्र्पकमा आएनन् ।

यता मोरङका सहायक प्रमुख जिल्ला अधिकारी तथा प्रवक्ता शरद कुमार पोखरेलले गलत प्रक्रियाबाट कसैले पनि नागरिकता लिनु गैरकानुनी भएकोले यदी कसैले लिएको पुष्टि भए कारवाहीको प्रक्रिया अगाडि बढ्ने बताए । ‘कसैले पनि गलत तरिकाबाट नागरिकता लिनु हँुदैन,’ उनले भने, ‘यदि लिएको भए नागरिकता ऐन अनुसार कारवाहीको प्रक्रिया अगाडि बढनेछ । उजुरी आएको रहेछ भने हामी अनुसन्धान थाल्नेछौं र कारवाहीको प्रक्रिया अगाडि बढाउँछौं ।’ यादवको हकमा अहिलेसम्म उजुरी परेको आफूलाई जानकारी नभएको उनले बताए ।