विराटनगर । मध्यराति पूर्वपश्चिम राजमार्ग अन्तरगत मोरङको सुन्दरहरैंचा ७ स्थित गोठगाउँमा मोटरसाइकल र माइक्रोबस आपसमा ठोक्किएर दुर्घटना हुँदा दूई जनाको मृत्यु भएको छ । घटनामा दुई जना घाइते भएका छन् ।
राति पौने १ बजेको समयमा बा ४ ख ६९६ नम्बरको माइक्रोबस र प्र०२÷००१ प ३८७८ नम्बरको मोटरसाइकल आपसमा जुध्दा मोटरसाइकलमा सवार बेलबारी ११ का २१ वर्षे २१ वर्षे अर्जुन न्यौपाने र सोही ठाँउका २१ वर्षे मनोज कटुवाल गम्भीर घाइते भएका थिए । घाइतेको विराटगनर स्थित कोशी अस्पतालमा उपचार गर्दागर्दै मृत्यु भएको प्रहरीले जनाएको छ ।
घटनामा माइक्रोका चालक काठमाण्डौका गणेश थापा र सहचालक बेलबारीका उत्सव गिरी घाइते भएका छन् । उनीहरुको उपचार भइरहेको छ । प्रहरीले दुर्घटना भएका दुवै सवारी साधन नियन्त्रणमा लिएर अनुसन्धान गरिरहेको जनाएको छ ।
