विराटनगर । कृष्णभूषण बल स्मृति प्रतिष्ठानले प्रकाशन गरेको युवाकवि दीपक शम्चुको कवितासङ्ग्रह ‘अनुहारमा आप्पा’को विमोचन गरिएको छ ।
कृतिको वरिष्ठ साहित्यकार डा. तुलसीप्रसाद भट्टराई, प्रा.डा. टंकप्रसाद न्यौपाने, वरिष्ठ आख्यानकार भागिरथी श्रेष्ठ, गीतकारसमेत रहेका प्रदेश–१ प्रहरी तालिम केन्द्रका प्रमुख एसएसपी टेक तामाङलगायतले कवितासङ्ग्रहको संयुक्त रुपमा विमोचन गर्नुभयो ।
‘अनुहारमा आप्पा’ शम्चुको पहिलो कवितासङ्ग्रह हो । उहाँका विभिन्न पत्रपत्रिकामा फुटकर सिर्जना प्रकाशित हुँदै आएका छन् । विमोचित कृतिको समालोतक भूषण ढुंगेलले टिप्पणी गर्दै कवितासङ्ग्रहमा विभिन्न स्वादका कविताहरू समावेश गरिएको बताउनुभयो ।
कार्यक्रममा कवि शुभलक्ष्मी लम्साल र धीरज राईले विमोचित कृतिभित्रका कविता सुनाएका थिए । संग्रहमा ३३ वटा कविता समावेश छन् ।
