विराटनगर । ऐ साथी सुन… नामक फिल्मको शीर्ष गीतको रेकर्डिङ सकिएको छ ।
उक्त गीतमा चर्चित गायीका अन्जु पन्त र नेपाल आइडलबाट उदाएका गायक किरण कुमार भुजेलले स्वर दिएका छन् ।
उक्त गीतमा वर्षा सिवाकोटी र रमेश बानियासहित विभिन्न चर्चित कलाकारको अभिनय रहेको छ ।
कोभिडका कारण लामो समयसम्म प्रभावित बनेको फिल्मी जगतमा पछिल्लो पटक धमाधम फिल्म छायांकन हुन थालेका छ्न् ।
लकडाउन पछि फिल्मी गीतहरू पनि खासै रेकर्ड भएनन् । तर, पछिल्लो समय फिल्मी गीतहरू पनि धमाधम रेकर्ड हुन थालेका छ्न् । यही क्रममा आइतबार मात्रै ऐ साथी सुन… नामक फिल्मको शीर्ष गीतको रेकर्डिङ सकिएको हो ।
