सुनसरी । तीन दिन अघि चोरी भएको मोटरसाइकलसहित दुई जनालाई प्रहरीले सुनसरीको इटहरीबाटै पक्राउ गरेका छन् ।
चोरी गरेको मोटरचाइकल नम्बर प्लेट परिवर्तन गरी चलाइरहेकै बेला प्रहरीले इटहरी ९ बाट उनीहरुलाई पक्राउ गरेको हो ।
सुनसरी ६ बाट मंसिर २८ गते हराएको मोटरसाइकलसहित प्रहरीले झापा गौरादहका २१ वर्षे बिजय चौधरी र झापा डाँगिबारीका १९ वर्षे नगेन्द्र चौधरीलाई पक्राउ गरेको हो ।
हराएको प्रदेश १–०५–००१प ०२०७ नम्बरको मोटरसाईकल ईटहरी–६ मा रहेको बर्गर हाउसमा पार्किङ गरी राखेको बेला चोरी भएको थियो । चोरीका सम्बन्धमा थप अनुसन्धान भइरहेको प्रहरीले जनाएको छ ।
