विराटनगर । जुवा मुद्दामा फरार रहेका १० जना अभियुक्तलाई मोरङ प्रहरीले पक्राउ गरेको छ । जिल्ला अदालत मोरङबाट २०७१ जेठ २१ गते जरिवाना फैसला भई जरिवाना नबुझाई फरार भएका अभियुक्तहरुलाई प्रहरीले पक्राउ गरेको हो ।
अदालतले तोकेको जनही २०० रुपैयाँ जरिवाना नतिरेका कारण उनीहरु फरार अभियुक्तको सूचिमा सूचिकृत भएका थिए । फरार अभियुक्त पक्राउ गर्ने निरन्तर अभियानमा रहेको प्रहरीले विराटनगर ९ घोघापुल चोकका ६० वर्षे नविरज खाँ, ४४ वर्षे मजमिल हुँसेन, ६४ वर्षे राजु खाँ, ६४ वर्षे मुन्ना कुरेशीलाई पक्राउ गरेको हो ।
यसैगरी विराटनगर ९ ट्राफिक चोकका ४१ वर्षे रामबहादुर गुरुङ, ४१ वर्षे लक्ष्मणबहादुर गुरूङ, ३० वर्षे सुमित साह, विराटनगर १० शान्ति चोकका ३२ वर्षे विजय श्रेष्ठ र विराटनगर ७ हस्पिटल चोकका ३५ वर्षे हंशराज जैन पनि पक्राउ परेको मोरङ प्रहरीले जनाएको छ । प्रहरीले मंसिर सोमबार र मंगलबार उनीहरुलाई पक्राउ गरेको हो । उनीहरुलाई आजै जिल्ला अदालत मोरङ बुझाउने तयारी भइरहेको प्रहरीले जनाएको छ ।
