विराटनगर । प्रदेश नं. १ को सामाजिक विकास राज्यमन्त्री जयमाया गजमेरले सामाजिक अध्ययन विषय समाज र विश्वको विभिन्न पक्ष अध्ययन गर्ने महत्पूर्ण शास्त्र भएकोले यस विषयको पाठ्यक्रमले निर्देशित गरेको उदेश्य पूरा हुनु पर्ने बताउनुभएको छ ।
सामाजिक अध्ययन विषय शिक्षक समूह मोरङले भर्चुयल माध्यमबाट आइतबार आयोजना गरिएको कार्यक्रममा बोल्दै राज्यमन्त्री गजमेरले यस्तो बताउनुभएको हो ।
उहाँले बालकालिकाहरूलाई सानै उमेरदेखि समाज र विश्वमा भएको सामाजिक, राजनैतिक, आर्थिक साँस्कृतकि, भौगोलिक, ऐतिहासिकलगायतको गतिवीधिहरुको बारेमा जानकारी गराउनुपर्नेमा जोड दिनुभयो । आजको कार्यक्रममबाट शिक्षकहरूले सिकेको कुराहरु कक्षामा विद्यार्थीहरूमाझ कार्यान्वयन गराउन राज्यमन्त्री गजमेरले सुझाब थियो । विभिन्न विषयमा ज्ञान र जानकारी गराउन सामाजिक अध्ययन विषयको शिक्षा आजको आवश्यक रहेको उहाँको भनाइ छ ।
यही वर्षदेखि कक्षा १ मेरो सेरोफेरो र ११ मा ‘सामाजिक अध्ययन तथा जीवन उपयोगी शिक्षा’ विषयको पठनपाठन सुरू हुने भएपछि शिक्षक समूहले भर्चुअल माध्यमबाट अन्र्तक्रिया कार्यक्रम आयोजना गरिएको सामाजिक अध्ययन विषय शिक्षक समूह मोरङका अध्यक्ष अर्जुन श्रेष्ठले जानकारी दिनुभयो । कक्षा ६–८ र कक्षा ९–१० को पाठ्यक्रमको विषयमा समेत छलफल भएको सो कार्यक्रममा १ सय भन्दा बढी सामाजिक अध्ययन विषय अध्यापन गराउने शिक्षकहरूको सहभागिता रहेको थियो । ‘सामाजिक अध्ययन तथा जीवन उपयोगी शिक्षा’ विषयमा थप गहन रूपमा छलफल गर्न चाँडै प्रदेश नम्बर १ स्तरीय यस्ता अन्र्तक्रिया कार्यक्रम आयोजना गरिने समूहका अध्यक्ष श्रेष्ठको भनाइ छ ।
सामाजिक अध्ययन समाज, काठमाडौले सहकार्य भएको उक्त कार्यक्रमको सहजिकरण गोविन्द भण्डारी, डिल्ली शर्मा र माधव दाहाल गर्नुभएको थियो ।
फाइल तस्बिर
