गुद्रीका व्यापारी र न्यूरोका चिकित्सकमा पनि कोरोना

विराटनगर । विराटनगरस्थित न्यूरो अस्पतालका चिकित्सक र गुद्री बजारका किराना पसल सञ्चालकलाई पनि कोरोना संक्रमण देखिएको छ ।

विराटनगर महानगरपालिकाका अनुसार न्यूरो अस्पतालको इमरजेन्सी वार्डमा काम गर्ने एक चिकित्सकमा संक्रमण देखिएको छ ।

ती चिकित्सक विराट नर्सिङ होममा पनि कार्यरत थिए । संक्रमित चिकित्सकलाई शुक्रबार नै विपी कोइराला स्वास्थ्य विज्ञान प्रतिष्ठान धरान पठाइएको छ । संक्रमितले काम गर्ने कक्ष सिल गर्न लगाएर उनीसँगको सम्पर्कमा आएका कर्मचारीलाई क्वारेन्टाइनमा बस्न लगाएको विराटनगर महानगरपालिका जनस्वास्थ्य महाशाखा प्रमुख रमेश कार्कीले जानकारी दिनुभयो ।

न्युरो अस्पतालका डाइरेक्टर राजेश भट्टराईले विराटमा पनि काम गर्ने चिकित्सकले पाँच दिन अगाडि नै स्वाब परीक्षणमा दिएको जानकारी आपूmहरुलाई नदिएको कारण उनले न्युरोमा आएर काम गरेको बताउनुभयो । उनमा कोरोना पुष्टि भएपछि इमरजेन्सी कक्षलाई निर्मलीकरण गरिएको र उनको सम्पर्कमा रहेका २० जनालाई होम क्वारेन्टाइमा राखिएको अस्पतालले जनाएको छ ।

यसअघि विराट नर्सिङ होमका सञ्चालक ज्ञानेन्द्रमानसिंह कार्कीलाई कोरोना देखिएपछि कन्ट्याक ट्रेसिङको आधारमा गरिएको परीक्षणमा अस्पतालका विरामी, कर्मचारी र स्वास्थ्यकर्मीसहित एक दर्जनमा कोरोना देखिएको छ । यस्तै विराटनगरको कोशी अस्पतालका चिकित्सकमा कोरोना संक्रमण देखिएपछि अस्पतालको ओपीडि बन्द गसिरएको छ । यस्तै म्याक्स अस्पतालमा पनि एक जनामा कोरोना देखिएको छ ।

शुक्रबार संक्रमण पुष्टि भएकामध्ये एक जना विराटनगरको गुद्री बजारमा किराना पसल सञ्चालन गर्ने व्यक्ति हुन् । ५२ वर्षीय संक्रमित पुरुषको किराना पसल गुद्री चोकमा छ । सञ्चालकलाई कोरोना संक्रमण पुष्टि भएपनि शुकबार दिउँसोसम्म उनको पसलमा भीड थियो ।

कोरोना संक्रमण समुदायस्तरमा फैलिएपछि शनिबारबाट विराटनगर महानगरपालिकाले १४ दिनका लागि लकडाउन गरेको भएपनि शनिबार कुनै नमुना संकलन भएन । यसअघि संकलन भएका करिब २५० नमुना परीक्षण नभएकोले शनिबार नमुना संकलन नगरिएको महानगरले जनाएको छ ।

शनिबार, १७ साउन, २०७७, रातीको ०८:२५ बजे

3 thoughts on “गुद्रीका व्यापारी र न्यूरोका चिकित्सकमा पनि कोरोना

  1. पसल को नाम खुलाउन पर्यो ! कतै आफू पनि पर्यो शंका लाग्यो।

  2. Biratnagar ko kirana pasal haru lai kholnaa dinu vayena kirana pasal ko bepari lai hernu nata mask use garchan nata gloves customer lai nai dukan vitra lagay ra saman bechchan . So nagarpalika kahe garnus natra hajur ko lockdown lay kahe hudaina

प्रतिक्रिया:

सम्बन्धित खवर