विराटनगर । भारतबाट अवैद्य रुपमा भन्सार छली ल्याउँदै गरेको ४४ हजार बराबरको फैन्सी कपडासहित २ जना पक्राउ परेका छन ।
पक्राउ पर्नेमा विराटनगर–१५ बस्ने २५ बर्षीय मुन्ना मण्डल र २८ बर्षीय मोहम्मद सोरहा रहेका छन । ईलाका प्रहरी कार्यालय रानीद्धारा खटाईएको प्रहरीको टोलीले बुधबार बिहान करिब साढे सात बजे विराटनगर–१६ स्थित भट्टीमोड नजिकैबाट उनीहरुलाई नियन्त्रणमा लिएको हो । प्रहरी टोलीले भारतबाट २ वटा साईकलमा भन्सार छली ल्याउँदै गरेको अन्दाजी ४४ हजार बराबरको फैन्सी कपडा सहित उनीहरुलाई नियन्त्रणमा लिएको हो ।
त्यस्तै प्रहरी टोलीले बुधबार बिहान करिब साढे ८ बजे विराटनगर–१६ स्थित दरैया बस्तीबाट अवैद्य रुपमा भन्सार छली ल्याउँदै गरेको अन्दाजी २२ हजार मुल्य बराबरको कपडा तथा किराना मालसामान समेत बरामद गरेको छ ।
ईलाका प्रहरी कार्यालय रानीले बरामद भएका २ वटै साईकल र कपडा लगायतका उक्त सामानहरु आवश्यक कारबाहीका लागी विराटनगर भन्सार कार्यालयमा बुझाएको जनाईएको छ ।
