विराटनगर । प्रदेश १ मा आइतबार थप १५ जनामा कोरोना संक्रमण पुष्टि भएको छ ।
सुनसरी, मोरङ, उदयपुर र झापामा ४ महिलासहित १५ जनामा कोरोना संक्रमण पुष्टि भएको प्रदेश सरकारले जनाएको छ ।
प्रदेश १ सामाजिक विकास मन्त्रालय प्रवक्ता डा.सुरेश मेहताका अनुसार कोशी अस्पताल प्रयोगशालामा ११ जना र प्रदेश जनस्वास्थ्य प्रयोगशाला विराटनगरमा ४ जनाको रिपोर्ट पोजेटिभ देखिएको हो । सुनसरीमा २ जना, झापामा ६ जना, मोरङमा २ जना र उदयपुरमा ५ जनामा संक्रमण पुष्टि भएको हो ।
सुनसरीको बर्जु र कोशी गाउँपालिकामा १–१ जनामा, झापाको अर्जुनधारामा ३ जना, कनकाई नगरपालिकामा १ जना र मेचीनगरमा २ जनामा संक्रमण देखिएको छ । उता उदयपुरको कटारीमा १ जना, उदयपुरगढीमा २ जना, त्रियुगामा २ जनामा संक्रमण देखिएको छ । मोरङको सुन्दरहरैंचा नगरपालिकामा एक महिला र एक पुरुषमा पनि कोरोना संक्रमण देखिएको छ ।
योसँगै प्रदेश १ मा कोरोना संक्रमितको संख्या ४४८ पुगेको छ । तीमध्ये २३४ जना उपचारपछि घर फर्किएका छन् ।
