विराटनगर । बुधबार थप १४ जनामा कोरोना संक्रमण पुष्टि भएसँगै प्रदेश १ मा कोरोना संक्रमितको संख्या २९६ पुगेको छ ।
बुधबार झापा, मोरङ र उदयपुरमा एक महिलासहित १४ जनामा कोरोना संक्रमण पुष्टि भएको प्रदेश सरकारले जनाएको छ ।
प्रदेश १ सामाजिक विकास मन्त्रालयका अनुसार मोरङमा ८ जना, झापामा ५ जना र उदयपुरमा १ जनामा संक्रमण देखिएको हो । मोरङका संक्रमित सबै रतुवामाई नगरपालिकाका हुन् । झापाको मेचिनगरमा १ जना, कनकाई नगरपालिकामा ३ जना र गौरादहमा १ जना महिलामा संक्रमण देखिएको हो ।
संक्रमित सबैको परीक्षण विराटनगरको कोशी अस्पताल र प्रदेश जनस्वास्थ्य प्रयोगशालामा गरिएको मन्त्रालयका प्रवक्ता डा.सुरेश मेहताले जानकारी दिनुभयो ।
प्रदेशमा अहिलेसम्म १० महिलासहित १२५ जना संक्रमित उपचारपछि निको भएर घर फर्किएका छन् । संक्रमितहरूको कोशी अस्पताल कोभिड १९ उपचार केन्द्र विराटनगर, विपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यालय मेडिकल कलेजमा उपचार भइरहेको छ ।
